На ден 11.08.2010 година во просториите на ЈСП СКОПЈЕ потпишан е меморандум за соработка помеѓу Јавното сообраќајно претпријатие Скопје и Министерство за Економија - Биро за метрологија поради потреба од експертска поддршка во областа на моторните возила, а со цел продолжување на успешната досегашна соработка.

Во периодот од 14 до 16 Јули 2010 година, директорот на Бирото за метрологија г-н Димитар Парнарџиев и претставници од  ЈСП Скопје, остварија работна посета на фабриката ЛАЗ во Украина, каде што се изработуваат 84 автобуси за градскиот сообраќај.

Посетата е дел од договорените редовни технички инспекции за утврдување на квалитетот и динамиката на изработка на возилата, во согласност со тендерската документација за набавка на нови автобуси за потребите на ЈСП Скопје, финансиран од Владата. Надзорот на производниот процес на автобусите се врши со цел да се задржи квалитетот на возилата, што треба да е по европски стандарди.