Лабораторија за маса

---

Лабораторијата за маса е акредитирана согласно стандардот МКС EN ISO IEC 17025:2006 во Јануари, 2012 година за калибрација на тегови од 1 mg до 500 kg, со класа на точност Е2, F1, F2 и М1 и неавтоматски ваги до максимален капацитет од 500 kg, со класа на точност од I, II и III. Од истиот тој период, лабораторијата има запишано калибрациони и мерни можности (CMC`s) во дата базата на BIPM (KCDB BIPM) во опсег 1 mg – 20 kg.

Основна цел на лабораторијата е чување и одржување на следливоста на референтните еталони (тегови) на меѓународно ниво, преку нивна директна компарација со еталони за маса од други признати метролошки институти и лаборатории, следливи со меѓународниот прототип за килограм во Меѓународното Биро за мери и тегови (Bureau International des Poids et Mesures), што се наоѓа во Париз, Франција.

Остварувањето на SI единицата за маса, како физичка макроскопска величина е многу тешко и поради тоа, националниот еталон за маса е остварен на ниво на референтен еталон, за кој е потребно обезбедување на следливост.

Признавањето на национален еталон за маса од E₁ класа (Решение бр. 0302-2054/4, од 22.06.2009), претставува основа за понатамошен развој и подобро дефинирање на националниот еталон од повисока класа.

Десеминацијата на килограмот (разделување и умножување), во иднина ќе обезбеди поекономичен пренос на SI мерната единица за маса (само еден еталон) и следливост на еталоните на сите национални метролошки лаборатории, кои зависат од SI единицата за маса (притисок, густина, волумен, проток).

Со калибрација на мерната опрема на лабораториите за тестирање и другите метролошки лаборатории и со издавање на сертификати за калибрација, лабораторијата за маса дава и ја одржува мерната следливост на сите еталони од пониска класа во државата и во регионот.

Одговорно лице во лабораторијата:

Д-р Бианка Мангутова-Стоилковска

bianka.stoilkovska@bom.gov.mk

контакт тел: 2403-676 локал: 029