Byroja për Metrologji e Maqedonisë së Veriut dhe Agjencia e Metrologjisë së Kosovës nënshkruajnë memorandum bashkëpunimi
Më 18 maj është nënshkruar marrëveshja e bashkëpunimit ndërmjet Byrosë së Metrologjisë së Maqedonisë së Veriut dhe Agjencisë së Metrologjisë së Kosovës. Kjo marrëveshje synon forcimin e bashkëpunimit institucional, shkëmbimin e përvojave profesionale dhe avancimin e standardeve metrologjike sipas praktikave ndërkombëtare. Nënshkrimi i kësaj marrëveshjeje vjen në prag të Ditës Botërore të Metrologjisë, duke theksuar rëndësinë e matjeve të sakta në zhvillimin ekonomik, teknologjik dhe shkencor. Përfaqësuesit e të dy institucioneve e vlerësuan këtë bashkëpunim si një hap të rëndësishëm drejt forcimit të standardeve rajonale dhe avancimit të proceseve integruese.
