Технички комитет во Шведска
Технички комитет во Шведска
EURAMET TC-M
Во период од 06-08.09.2022 год. Нацоналниот Метролошки Институт на Шведска (RISE) беше домаќин на редовниот, годишен состанок на EURAMET TC-M (Технички комитет за маса и сродни големини) во Борас, Шведска. На состанокот, кој за првпат после пандемијата со Covid-19 се одржа во хибридна форма, присуствуваа преставници на Метролошки институти од повеќе Европски земји.
Во период од три дена беа презентирани активностите од тековните проекти, клучни интеркомпарации и билатерални соработки од областите на метрологија на маса, густина, притисок, сила, торзија, гравитација и гравиметриска зафатнина.
Метролошкиот Институт “RISE” организираше и посета на метролошките лаборатории, при која учесниците имаа можност да го видат научниот и индустриски развој на овој институт.
Бирото за метрологија (BoM) го преставуваа вработените од лабораториите за маса и притисок, како и колегите, ангажирани во активностите на EMPIR проектите за RealMass (десеминација на единица маса) и Cefton (мерила за очен притисок).
Во рамките на годишниот состанок се одржаа и работни средби помеѓу учесниците во овие два научни проекти, со што се отворија и можности за соработка во блиска иднина.
