20 МАЈ – СВЕТСКИ ДЕН НА МЕТРОЛОГИЈАТА
admin
Светскиот ден на метрологијата го слави потпишувањето на Метарската Конвенција во која членува и Република Македонија преку Бирото за метрологија. Конвенцијата ја постави рамката за глобална соработка помеѓу науката за мерење и нејзините индустриски, комерцијални и општествени апликации.
Главната цел на Метарската Конвенција е единството на мерењето во светот, а тоа останува важно и денес, исто како и пред 137 години.
Оваа година Светскиот Ден на метрологијата се празнува под мотото “Метрологија за безбедност“, како одраз на важноста на добивање доверба во резултатите од мерењето, а со цел безбедност, без разлика дали е тоа на работа, на одмор или забава.
Исто како и “метрологијата”, терминот “Безбедност” покрива многу широк спектар на теми, за кои што многу луѓе не се свесни за суштествената улога на метрологијата во исполнување на истите .
Примената на метрологијата во Република Македонија има долга традиција. Носител на метролошкиот систем во нашата земја е Бирото за метрологија, орган во состав на Министерството за економија.
Бирото за метрологија е Национална метролошка институција, одговорна за извршување на задачи кои се однесуваат на одржување на системот за законски мерни единици, развој, остварување на национални мерни еталони, обезбедување метролошка следливост на мерењата, калибрација и верификација на мерила, како и ред други задачи од област на метрологијата.
