Во периодот од 28 – 29 Октомври 2019 година, во организација на Бирото за метрологија, во Скопје, се одржa 4-от годишен состанок на Работната група за јакнење на капацитетите на Национални Метролошки Институти, формирана во рамки на EURAMET (Европска Организација на Национални Метролошки Институти). Целта на оваа работна група е јакнење на капацитетите на институциите, трансфер на знаења и размена на искуства во насока на развивање на соодветна метролошка инфраструктура во Европа, при тоа водејќи сметка за потребите на крајните корисници во индустријата, обезбедување на меѓународна конкурентност како и поддршка на државите членки во исполнувањето на нивните национални барања, преку зајакнување на соработката и промоција и имплементација на Европската Програма за истражување во област на метрологијата.

На состанокот присуствуваа претставници од повеќе национални метролошки институции, членки на ЕURAMET, COOMET (Евроазиска соработка на Национални Метролошки Институции), како и претставници на BIPM (Меѓународното Биро за тегови и мери), WELMEC и многу други.