Drejtori i Ministrisë së Energjetikës, Xehetarisë dhe Lëndëve të Para Minerale – Byroja për Metrologji merr pjesë në shënimin e Ditës Botërore të Metrologjisë në Paris.
Drejtori i Byrosë së Metrologjisë së Maqedonisë së Veriut, z. Sedad Rushani, merr pjesë në kremtimin ceremonial të Ditës Botërore të Metrologjisë në Paris. Është pjesë e një simpoziumi tre-ditor të organizuar nga Byroja Ndërkombëtare e Peshave dhe Matjeve (BIPM), me seli në Paris, me rastin e 150-vjetorit të nënshkrimit të Konventës së Metrit.
20 maji 2025 shënon një përvjetor të rëndësishëm në fushën e shkencës së matjes – 150-vjetorin e Konventës së Metrit. Këtë vit, Dita Botërore e Metrologjisë shënohet me një simpozium të veçantë ndërkombëtar të titulluar “150 Vjetori i Konventës së Metrit: Shkenca, Inovacioni dhe Ndikimi Global”. Eventi, i organizuar në partneritet me UNESCO-n, mblodhi së bashku përfaqësues të Instituteve Kombëtare të Metrologjisë, qeverive, shkencëtarë të njohur, ekspertë të industrisë, studentë dhe publikun e gjerë për të nxjerrë në pah arritjet e jashtëzakonshme të matjes gjatë 150 viteve të fundit.
Simpoziumi ceremonial vazhdon me një Konferencë dy-ditore, e cila po mbahet në Versajë. Konferenca përfshin prezantime nga komuniteti ndërkombëtar i metrologjisë dhe diskutime nga ekspertë, të cilat do të mundësojnë një shkëmbim të hapur idesh mbi tema që lidhen me rezultatet kryesore të Strategjisë CIPM 2030+.
Prania e Drejtorit Sedad Rushani në këtë ngjarje prestigjioze konfirmon angazhimin e Maqedonisë së Veriut për të ruajtur gjurmueshmërinë e matjeve sipas standardeve ndërkombëtare, arritjeve shkencore dhe pjesëmarrjes aktive në komunitetin global të matjeve.
