Në Sarajevë – Në Institutin e Metrologjisë së Bosnjës dhe Hercegovinës, drejtori i Byrosë së Metrologjisë së RMV-së, Avdul Selami Selami me drejtoreshën znj.Milica Ristoviç Krstiç, sot nënshkruan Memorandumin për bashkëpunim të dy institucioneve për periudhën e ardhshme pesë vjeçare. Fushat specifike të bashkëpunimit përfshijnë, por nuk kufizohen në fusha me interes të përbashkët, siç janë: 

– Zbatimi i punës së përbashkët kërkimore dhe pjesëmarrja e përbashkët në programet evropiane për kërkim dhe zhvillim, 

– Identifikimi i temave specifike për bashkëpunim në metrologji (masa, vëllimi, rrjedha, dendësia, gjatësia dhe këndi, presioni, frekuenca e ulët AC/DC, temperatura, lagështia relative, koha dhe frekuenca, akustika, cilësia e naftës dhe derivateve të naftës, materialet referuese ), 

– Shkëmbimi i informacionit dhe përvojave në lidhje me harmonizimin dhe zbatimin e rregulloreve teknike që lidhen me acquis evropiane dhe legjislacionin kombëtar të të dy vendeve, 

– Kryerja e matjeve krahasuese dypalëshe me etanole referente, 

– Kalibrimi i pajisjeve dhe etaloneve referuese, 

– Mbajtja e seminareve dhe kurseve të trajnimit ndërmjet laboratorëve, 

– Shkëmbim informacioni dhe asistencë teknike për testimin e cilësisë së karburantit, 

– Shkëmbim informacioni dhe asistencë teknike për verifikimin e instrumenteve matëse, 

– Vizitat e kolegëve të Sistemeve të Menaxhimit të Cilësisë, 

Bashkëpunimi do të jetë i mundur edhe në fusha të tjera me interes të përbashkët. 

Aktivitetet e bashkëpunimit do të vendosen sipas programit të marrëveshur më parë. 

Drejtori Selami, falenderoi drejtoreshën Krstiç për mikëpritjen e ngrohtë dhe kontributin e saj dhe Institutit të Metrologjisë së BH-së, që bashkëpunimi me Byronë për Metrologji të RMV nga sot të bëhet realitet.